Rusiya Federal Təhlükəsizlik Xidmətinin Sərhəd İdarəsinin əməkdaşları Azərbaycan bayrağı altında üzən “Tayfun” gəmisini saxlayıblar.
Milli.Az xəbər portalı “RİA Daqestan” agentliyinə istinadən xəbər verir ki, gəminin göyərtəsində 10 nəfər olub. Onların hamısı Azərbaycan vətəndaşlarıdır. Gəmiyə baxış zamanı nərə fəsiləsindən olan 3000 kiloqram balıq, 300 kiloqlamdan artıq qanunsuz ovlanmış kilkə, eləcə də balıq tutmaq üçün çoxlu sayda tor və qarmaq aşkarlanıb.
Faktla bağlı araşdırma aparılır. Araşdırmalardan sonra balıqlar qanunvericiliyə uyğun şəkildə məhv ediləcək.
Milli.Az