Avqustun 26-da Bakıda Azərbaycanın aparıcı informasiya texnologiyaları şirkətlərindən biri olan “AZEL” dünya üzrə tanınmış kompyuter istehsalçısı “Epson” şirkəti ilə birgə seminar keçirəcək.
“AZEL” şirkətindən AzərTAc-a bildirmişlər ki, seminarda 3 LCD texnologiyası əsasında qurulan “Epson” proyektorları, mürəkkəb və çoxfunksiyalı çap qurğuları, o cümlədən fotoprinterlər, ev fotostudiyaları, ofis üçün 4 rəngli çap qurğularının yeni modelləri və s. təqdim ediləcək.
Tədbir çərçivəsində həvəskarlar və peşəkarlar üçün ev skanerləri, ofis üçün avadanlıq, biznes sahəsi üçün müxtəlif printerlərin yeni modelləri nümayiş etdiriləcək.
/AzərTAc/