Gürcüstan Azərbaycanlıları Konqresi təhsil nazirinə müraciət edəcək

Belə ki, yeni dərs ilindən başlayaraq Gürcüstanın təhsil müəssisələrində həftəlik pasxa tətilləri tətbiq olunacaq. GAK sədri Əli Babayev hesab edir ki, Gürcüstanın Təhsil və Elm Nazirliyi təhsil müəssisələrində pasxa tətillərini tətbiq edərkən ölkədə yaşayan 700-800 min müsəlmanı da nəzərə almalı idi. “Bu məsələyə aydınlıq gətirilməsi ilə əlaqədar GAK təhsil və elm naziri Dmitri Şaşkinə müraciət edəcək. GAK pravoslav bayramlarına hörmətlə yanaşır, lakin hesab edir ki, pasxa tətillərinin tətbiq olunması ilə bağlı qərar qəbul olunarkən müsəlman əhalisinin də hüquqları nəzərə alınmalı idi”, - Əli Babayev deyib.    

Qeyd edək ki, Gürcüstanda sentyabrın 15-də başlayacaq yeni dərs ili 2 semestrə bölünüb. Onların arasındakı tətillə yanaşı məktəblilərə həftəlik pasxa tətili də veriləcək.

Milli.Az