NEXT “Hollywood Smile in Baku 2010”-nun siması seçildi

Norveç Respublikasının Azərbaycandakı Rəsmi səfirliyi, “The Doctors” assosiasiyası Azərbaycanda ilk dəfə “Hollywood smile in Baku -2010” marafonunu keçirir. Milli.Az xəbər portalının məlumatına görə, bir neçə mərhələdən ibarət layihə insanları doğru maarifləndirmək məqsədilə hazırlanıb.

Qeyd edək ki, proqramın keçiriləcəyi gecədə yalnız Smile Controldan keçə biləcək insanlar iştirak edəcək. Konsert proqramı boyunca qonaqlar Norveçdən gələn həkim qrupu tərəfindən pulsuz müayinə olunacaq. Bildirək ki, təşkilatçılar tərəfindən layihənin reklam üzü olaraq 4 oğlandan ibarət Next qrupu seçilib. Bundan başqa Norveçdən gələn mütəxəssislər tərəfindən 5 məşhur sənətçimiz “Ən gözəl təbəssümə görə” mükafatlanacaq. Qeyd edək ki, sözügedən müğənnilərin siyahısı konsert günü açıqlanacaq.

Next və digər sənətçilərin iştirakı ilə reallaşacaq möhtəşəm konsert proqramı 9 sentyabr Yaxt-klubun ən böyük gəmilərindən birində baş tutacaq.

Xədicə
Milli.Az