Azərbaycanın iki teleaparıcısını əsl sevgi bağlayır - FOTOSESSİYA

Onlar bir-biriləri ilə səmimi şəkildə söhbət edərkən Trend Life-ın müxbirinin obyektivinə düşüblər. Özü də aparıcılar bundan narahat olmayıblar. Axı Əkbər ailəlidir, iki övladı var. Lətafət də tənha deyil. Doğrudanmı onların arasında gizli eşq var.

“Bəli, biz bir-birimizi sevirik”-deyə Lətafət Trend Life-a etiraf edib: “Amma bir-birini beş ildən artıq tanıyan əsl və etibarlı dost kimi. Bizim aramızda münasibətlər hələ “Azəri Star”ın ilk layihəsi keçirilərkən yaranıb. Bizim ailəmiz, uşaqlarımız var. Haqqımızda necə pis fikirləşmək olar? Əkbərin çox yaxşı və şən həyat yoldaşı var. Mənim də onunla yaxşı münasibətim yaranıb. Qoy heç kim bizi qalmaqala salmasın”.

Lətafətin sözlərinə görə, onlar təkcə televiziya layihələrində yox, toylarda da birlikdə çıxış edirlər: “Çoxları bizim peşəkarlığımıza qibtə edir ki, özümüzü səhnədə necə təbii aparırıq. Nə vaxtsa çıxılmaz vəziyyətə düşdüyümüzü xatırlamıram. Ümumiyyətlə, mən Əkbərin aktyorluq məharətinə valehəm”.

Milli.Az