Azərbaycanlı bəstəkarın toyunda spritli içkilər verilməyəcək

Milli.Az Trend Life-a istinadən xəbər verir ki, Zivər adlı xanımla evlənəcək bəstəkar, gələcək ömür-gün yoldaşını elə uzaq qohumları arasından seçib. Cütlük təmtəraqdan uzaq bir şəkildə, həm də spirtli içkilərin qonaqlara ikram edilməyəcəyi toy təşkil edib, ailələrinin təməlini qoyacaqlar. Səbəb isə Muxtarın İslam dininin qayda-qanunlara ciddi əməl etməsi, daha dəqiqi, namaz qılmasıyla bağlıdır.

Toyu idarə etmək isə iki gündən sonra özü bəy kürsüsünə çıxacaq müğənni Emil Bədəlova həvalə edilib. Xalq artisti Zülfiyyə Xanbabayeva başda olmaqla, müğənnilər - Röya Ayxan, Samira, Emma və Sevda Ələkbərzadələr, Natavan Həbibi, Elnur Məmmədov, eləcə də digər populyar müğənnilər üçün mahnılar bəstələyən bəstəkarın fəxri qonaqları sırasında adlarını sadaladığımız ulduzların olacağı da istisna deyil. Bəstəkar məclisi olduğu üçün Muxtarın toyunda qonaqların əksəriyyətini həmkarlarının təşkil edəcəyini də müəyyən etmək çətin deyil.

Milli.Az