Günün yuxuyozması

Milli.Az xəbər portalı Vanqa, Miller, Freyd, Nostradamus, Loff və digər müəlliflərin kitablarına əsasən, yuxunuzu yozmağa çalışacaq.

Albom - uğur və əsl dostların qazanılmasına işarədir. Əgər qadın yuxuda albomdakı şəkillərə baxırsa, tezliklə onun yeni sevgilisi peyda olacaq və qadın özünü onunla xoşbəxt hiss edəcək.

Boksçu  - Yuxuda özünüzü məşhur boksçu kimi görürsünüzsə, deməli, real həyatda istedadınızın qiymətləndirilməməsi sizi üzür. Ancaq unutmayın ki, səy göstərməsəniz, sizi heç kim tanımaz. Qadın üçün belə yuxu qadın rəqibə işarədir. İki boksçunun döyüşü - işləriniz diqqət tələb edir.

Xardal - yetişən xardal - uğur və sevinc, xardal acısını ağızda hiss etmək - düşünülməmiş hərəkətlərdən peşmanlıq, xardal yemək - varidatın müəyyən hissəsini itirmək deməkdir.  

Suquşu - sizi təhlükə gözləyir.

Gips - Yuxuda sizə gips qoyurlarsa, planlarınız qəflətən pozulacaq. Kimisə gipslə görmək - başqalarının uğuru sizi bəzi hərəkətlər etməyə vadar edir. Amma unutmayın ki, onlar təklikdə nəyəsə nail olublarsa, siz də onun yolunu eynilə gedə bilməzsiniz.

Milli.Az