Fransada həyat durdu

Milli.Az BBC-yə istinadən xəbər verir ki, hökumətin pensiya islahatlarına etiraz edən insanların kütləvi tətilə çıxması ictimai nəqliyyatın, bankların, aeroportların, poçt sistemi və sair sahələrin fəaliyyətini tam iflic edib.

Müxalifət partiyaları və həmkarlar ittifaqı təşkilatları ilə yanaşı, dövlət sektorunda çalışan insanlar da tətilə qoşulub. Əksər istiqamətlərdə hərəkət etməli olan qatarların vağzallarda qalması insanların mənzil başına çatmasına problem yaradıb.

Metro işçiləri də etiraz aksiyasına qoşulanlar arasındadır. Şarl de-Qoll aeroportunda reyslərin cəmi 10%-i baş tutub. Nitsa, Tuluza, Lill, Marsel, Bordo və Lion kimi şəhərlərdəki beynəlxalq hava limanlarında da reyslər təxirə düşüb.

Tətilin 24 saat davam etdirilməsi nəzərdə tutulub.

Milli.Az