Ancelina Coli Pakistanda - FOTO

UNHCR-in məlumatına görə, aktrisa bu ölkədə iki gün qalacaq. Onun səfərinin əsas məqsədi su altında qalan bölgələri ziyarət etmək, zərərçəkənlərlə, eləcə də humanitar əməliyyatlarda iştirak edən heyətlə görüşməkdən ibarətdir.

UNHCR-in mətbuat katibi Melissa Fleminq “ulduz”un şəxsi təhlükəsizliyi ilə əlaqədar səfərin təfərrüatlarını açıqlamayıb.

İTAR-TASS-ın məlumatına görə, bu, Ancelina Colinin 2001-ci ildə BMT-nin Qaçqınlar üzrə Ali Komissarlığının xoşməramlı səfiri seçiləndən Pakistana sayca dördüncü səfəridir. Təbii fəlakətin nəticələrinin ən ağır olduğu vaxtlarda aktrisa zərərçəkənlərə 100 min dollar ianə etmişdi.

Qeyd edək ki, Pakistandakı daşqınlar son 80 il ərzində ən ağır nəticələr verib. Təbii fəlakət nəticəsində 1600 nəfər həlak olub, daşqınlar 21 milyondan artıq adamın həyatına birbaşa təsir göstərib.

Milli.Az