Türkiyədən Moskvaya uçan Rusiyanın “Yakutiya” hava yolları şirkətinə məxsus Boeing 757 təyyarəsi Krasnodar hava limanında qəza enişi edib.
RİA "Novosti"nin verdiyi xəbərə görə, bu barədə məlumatı hava limanını idarə edən “Bazel Aero” ASC-nin baş direktoru Sergey Lixarev verib. Onun sözlərinə görə, təyyarənin hava sistemində problem yaranıb və qəza enişi barədə qərar qəbul edib.
Ekspertlər təyyarənin texniki vəziyyətini öyrənirlər. Təyyarənin göyərtəsində 193 sərnişin və 7 heyət üzvü olub. Xəsarət alan yoxdur.
/ANS Press/