Türkiyədə təhlükəli virus aşkarlandı

Virusun Azərbaycanda yayılma ehtimalı isə çox azdır. Bu barədə AzərTAc-a məlumat verən Respublika Taun Əleyhinə Stansiyanın direktor müavini Şair Qurbanov bildirib ki, bu virusun daşıyıcısı köçəri quşlar, gəmiricilər, yayan isə ağcaqanadlardır. Virusun isti havalarda yayılma ehtimalı daha çoxdur. Çünki isti hava virusun inkişafı üçün münbit şərait yaradır. Amma mövsümün dəyişməsi nəticəsində virusun yayılma ehtimalı daha da azalacaq. Havalar soyuduqca təhlükə də sovuşacaq.

Xəstəliyin əlamətləri kəskin temperatur, baş və göz ağrıları, halsızlıq, əzələ ağrılarıdır.
Həkim vurğulayıb ki, xəstəliyə yoluxan şəxs vaxtında və düzgün müalicə olunmadıqda xəstəlik ölümlə nəticələnə bilər.

Qeyd edək ki, Yunanıstanda ötən ay ortaya çıxan Qərbi Nil virusundan 18 nəfər ölüb. Xəstəliyin Rumıniyada da ölümə yol açdığı bildirilir.

Milli.Az