Milli.Az gürcü mətbəxindən göbələklə pxalinin hazırlanma qaydasını təqdim edir
Pxali - gürcü qəlyanaltılarından ən məşhurudur. Paştetə bənzəyən bu təamı çox vaxt çörəyin, ya da lavaşın üzərinə çəkib yeyirlər. Pxalini adətən qoz, acı qırmızı istiot, sarımsaq, keşniş, duz və əsas ərzaq - ya ispanaq, ya yaşıl lobya, ya çuğundur, ya göbələk, ya kələm, ya da hətta gicitkəndən - hazırlayırlar. Bugünkü əsas ərzaq göbələkdir.
Tərkibi (4 pay):
500 q şampinyon
1 baş soğan
1 dəstə keşniş
150 q qoz
1 çimdik çili istiotu
bitki yağı (zövqə görə)
nar dənələri (zövqə görə)
duz
Göbələklə soğanı təmizləyin. Azca bitki yağı ilə ağzıbağlı tavada tam hazır olunca bişirin. Ocaqdan götürüb soyudun.
Bütün ərzaqları ət maşınından keçirin. Yaxşıca qarışdırıb dadına baxaraq duz əlavə edin. Alınan kütlədən kürəciklər düzəldib boşqaba yığın, üzərini nar dənələri ilə bəzəyin.
Nuş olsun!
resept: sovkusom.ru
Digər maraqlı reseptlər üçün Facebook səhifəmizə üzv olun.
Milli.Az