Gün ərzində nə qədər kalori almalıyıq?

Gündəlik sizə lazım olan kalori miqdarı analiz nəticələrini, cinsiyyət, yaş , həyat tərzi, həmçinin xəstəliyiniz və istifadə etdiyiniz dərmanlara görə dəyişir. Əgər çəki azaltmaq lazımdırsa, bu kalori miqdarında dəyişikliyin edilməsindən keçir.

25-30 yaşlarında idman edən bir gənc ilə 60 yaşlarında hərəkətsiz həyat fəaliyyətində olan yaşlı insanın almalı olduğu kalori və qida elementləri arasında mütləq fərq olmalıdır.

Milli.Az deyerler.org-a istinadən bildirir ki, yaş faktorundan əlavə, insanın orta yemək həcmi , yemək sürəti və yemək yemə forması belə alacağı kaloriyə təsir edir. Yediyiniz hər loxmanı nə qədər çox çeynəsəniz həzm fermentlərinin hərəkət miqdarını bir o qədər artırarsınız.

Orta hesabla bir kişi gün ərzində 2300 kkal , qadınlar isə 1800 kkal qəbul etməlidir. Amma , göstərilən bu rəqəm şəxsə görə daha yüksək və ya aşağı ola bilər.

Aldığınız kalori miqdarının gün ərzində paylanması müddəti də çox əhəmiyyətlidir. Məsələn; nahar günün ən əhəmiyyətli yeməyi sayılır. Güclü nahar sizi gün ərzində daha enerjili saxlayar, daha tox tutar və konsentrasiya (doyma dərəcəsi) problemləri yaşamanıza mane olar. Əgər gün ərzində nizamsız qidalanıb, axşam yeməyinizi də gec və ağır yeməklərlə keçirərsiniz, həm çəki artımı, həm də səhhətinizdə problemlər qaçılmazdır.

Həyat fəaliyyətimizin davam etməyi və sağlam olmağımız üçün qidalanmaya , gündəlik müəyyən ölçüdə kalori almağa ehtiyacımız var. Bu aldığımız kalori miqdarının 20 faizə yaxın miqdarı beyin metobolizması (maddələr mübadiləsi) üçün sərf olunur . Yerdə qalan hissəsi isə bazal metobolizmasının ( əsas maddələr mübadiləsinin) sürətini artırır.

Ekoloji faktorlar də aldığımız kalori miqdarına təsir edir. Məsələn soyuq iqlim və ya qış mövsümündə bədənin istiliyini artırmaq üçün daha çox enerjiyə ehtiyac duyuruq ,ancaq isti iqlimlərdə və ya yay aylarında enerji ehtiyacımız azalır.

Buna görə gündəlik alınması lazım olan kalori miqdarını müəyyənləşdirməkdən ötrü mütləq bədən analiz nəticələrini və digər lazımlı faktorları dəqiqləşdirmək lazımdır

Milli.Az